Strategisk rekneskapsanalyse og verdsetjing av Synnøve Finden ASA

Abstract

Vi har i denne utredninga gjennomført ei strategisk rekneskapsanalyse og verdsetjing av Synnøve Finden ASA per 31.12.2007 basert på offentleg informasjon. I den første delen presenterer vi kort verksemda og bransjen. Vidare presenterer vi ulike verdsetjingsteknikkar, som fundamental-, komparativ og opsjonsbasert verdsetjing. Vi har i hovudsak valt å fokusere på ei fundamental verdsetjing. For å få eit betre grunnlag til å anslå verdiestimatet av verksemda har vi også gjennomført ei opsjonsbasert og ei komparativ analyse, i tillegg til ei alternativ fundamental verdsetjing. Som eit ledd i den fundamentale analysa har vi gjennomført ei strategisk analyse for identifisere verksemda sine kritiske drivarar til lønnsemd. I tillegg har vi føreteke ei rekneskapsanalyse der vi omgrupperer og justerar finansrekneskapet for å tilpasse det eit investorperspektiv, og for at vi kan verdsetje verksemda på grunnlag av underliggande økonomiske verdiar. Resultata frå den strategiske rekneskapsanalysa nyttar vi til å framskrive rekneskapen over budsjetthorisonten. På grunnlag av dette har vi verdsett Synnøve Finden ved hjelp av eigenkapitalmetoden, netto driftskapitalmetoden, sysselsett kapitalmetoden og driftseigedelmetoden. Etter ein sekvensiell oppdatering av vektene i avkastingskrava kjem vi fram til eit felles fundamentalt verdiestimat på 22,03 kr per aksje. Til slutt vert uvissa i verdiestimatet analysert ved ei sensitivitetsanalyse. Vidare har vi eksplisitt teke omsyn til verdien av framtidige vekstmoglegheiter som ein realopsjon og inkludert denne i prisestimatet. Vi får då ein fundamental verdi på Synnøve Finden på kr 24,62 per aksje. Frå den komparative verdsetjinga får vi eit verdiestimat på kr 23,47 kr per aksje, og den alternative fundamentale verdsetjinga gir oss eit prisestimat på 29,10 kr per aksje. Det vekta prisestimatet mellom dei ulike metodane vert per 01.06.08 på kr 25,86 kr per aksje. Aksjekursen på same tidspunkt er på kr 21,30, og vi konkluderar difor med ei KJØP anbefaling.